ثقافة وأدب

كوب قهوتي السادة لماجد عبدالله الخالدي

كوب قهوتي السادة

تعالي نتصالح فيما تبقى من سنين

دعوة وجهتها امس لحضرة السعادة

لاجل خاطري واذا لخاطري ما تجين

تعالي لاجل خاطر البعض من السادة

الحزن والدمع والندم وتوالي الحنين

اللي اشتاق لماضٍ بتفاصيلك اعتاده

ويغني بفرقاك وين الدرب على وين

وين نمشي له دون وعي ودون ارادة

تعالي نتصالح فيما تبقى من سنين

ونرجع مثل اول .. واكثر بعد زيادة

ونقهر في علاقتنا حاسدين وشامتين

ونسوي لاحلامهم في فرقتنا .. ابادة

تجين لخاطري واذا لخاطري ما تجين

تعالي لاجل قلب من صميمه لك نادى

دعوتي لك بابتسامة المنهك الحزين

ابعزمك نتقاسم كوب قهوتي السادة

وابقرأ لك .. من شعر ابو فراس بيتين

وكلمات .. من راوية دمشقيتي الغادة

على الله لو حالتي بعينك .. تشوفين

مع الحزن .. بتلعني غيابك يالسعادة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق