ثقافة وأدب

ماشي لخاطري رحلت…للمبدعة الشاعرة و الزجالة المغربية وفاء الشاط اجباير

مجلة رائدات

ماشي لخاطري رحلت

من غير هوايا رحلت
خليتني نغادر لمكان
نعدف ننسى
عشرة زمان
كنا احباب
وليناعديان
الفرحة والصفا
منورة لمكان
السر كان خير
اوشر محجوب
شحال من فرصة
شحال من فرصة
شحال من فرصة
اعطيتك
غير باش باش توب
بغيت نرحل خليني
باركة من الذنوب
نطلب الله
يرحل بدري
وزيني
ومجاي بكري
باش تلاقيني
عمري نسول
وعلي ما تعول

ماشي لخاطري رحلت
امواجك في البر
ومواجي في البحر
على ظهري
سفينتك حملاها
تقاضا صبري
و مواجك مغرقاها

وأنا غادة بلمهل
هازا عليك
الهم و الثقل
سنين وانت عايش
و انا تالف لي لعقل
و فالاخر فهمت
بلي فنيتك لغدر
ماشي لخاطري
هزيت جرح قلبي
و رحلت…

وفاء الشاط اجباير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق